Pasditen e sotme ish-kryetari i PD, Lulzim Basha është takuar me të rinjtë e Shkodrës.
Gjatë fjalës së tij, ai ka folur për planin e tij me tre pika për politikën e vendit, vettingu në politik, mandati i kufizuar për kryeministrin dhe listat e hapura.
Po ashtu, ai foli dhe për situatën brenda PD, duke fajësuar Sali Berishën për përçarjen e demorkatëve.
I pyetur se çfarë do bënte ndryshe në qëndrimin ndaj Sali Berishës, Basha tha se është penduar që i dha kohës atij që të reflektonte.
Ish-kreu i demokratëve tha se duhej ta kishte larguar menjëherë nga grupi parlamentar i PD-së sapo u shpall non grata nga SHBA.
“S’do kisha humb kaq shumë kohë për tu përpjekur për ta bind që të merrte vendimin e duhur. E kam kuptuar sidomos gjatë këtij viti, ai s’ka pas mend ta bënte këtë. Ne vendosëm një standard, për Tom Doshin, Vangjush Dakon, për non grata e tjerë dhe në rastin kur ndodhi në shpinë tonë, unë nuk u nguta të thoja i njëjti standard, siç duhej të thoja. U ulëm dhe i thash nuk mundet që k problem të marrë me vete PD, dhe reagimi i tij ishte që s’do marr PD në këtë proces, por bëri të kundërtën dh eja ku jemi, përtej harku kohor. Në shtator vendimi do ishte ai, ai ishte vendimi i drejtë për demokratët dhe PD, nuk mund të jetë PD nëse e humb aleancën me Perëndimin. S’mund të vijë në pushtet pa një aleancë me SHBA, Britaninë e Madhe,. Interesi personal nuk mund të kthehet në pengesë për të gjithë demokratët dhe shqiptarët që duan ndryshimin”,-tha Basha.
