Kryetari i Partisë Demokratike, Lulzim Basha, pak minuta më parë, ka denoncuar vëllain e deputetit socialist, Pjerin Ndreu, si personi që ka nxjerr lejën e drejtimit për ish-ministrin e Brendshëm, Saimir Tahiri.
Përmes një shënimi në Facebook, Basha shkruan se dokumentet për t’i nxjerrë lejen e drejtimit ish-ministrit Saimir Tahiri, janë sjellë në Drejtorinë e Përgjithshme Detare në Durrës, nga Paulin Ndreu, me detyrë Kapiten i Përgjithshëm dhe nga dita e sotme, Drejtori i Përgjithshëm i Drejtorisë Detare.
“Shefi i zyrës që e firmosi quhet Hamdi Domi. Hamdiu nuk donte ta bënte si patentë dhe e ka mbajtur mbi tavolinë të paktën 1 javë. Dokumentat për bërjen e patentës i ka sjell Paulin Ndreu me detyrë Kapiten i Përgjithshëm dhe nga sot e kanë emëruar Drejtor të Përgjithshëm të Drejtorisë Detare, megjithëse Kontrolli i Lartë i Shtetit ka rekomanduar pushimin dhe largimin nga detyra”,-denoncon Basha, referuar denoncimit të ardhur në adresë të tij.
Komenti i plotë
Ja si vepron mafia Rama-Tahiri per te garantuar trafikun e droges:
“Une qe po te shkruaj jam nepunes i zyres se patentave detare ne Drejtorine e Pergjithshme Detare ne Durres.
Me duhet te te informoj per proceduren e dhenies se patentes 100 toneshe te Sajmir Tahirit .
Shefi i zyres qe e firmosi quhet Hamdi Domi. Hamdiu nuk donte ta bente si patente dhe e ka mbajtur mbi tavoline te pakten 1 jave.
Dokumentat per berjen e patentes i ka sjell PAULIN NDREU me detyre Kapiten i Pergjithshem dhe nga sot e kane emeruar Drejtor te Pergjithshem te Drejtorise Detare, megjithese Kontrolli i Larte i Shtetit ka rekomanduar pushimin dhe largimin nga detyra.
Pra PAULIN NDREU ka ushtruar autoritetin e tij politik dhe aspak profesional duke detyruar firmosjen e kundraligjshme te kesaj patente.
Kjo patente eshte ne shkelje me ligjin e detarise. Pra nuk merret patente kamioni pa mare patente makine.
Dhe pervec ketyre shkeljeve flagrante, PAULIN NDREU emerohet drejtor prane drejtorise detare si vellai i deputetit PJERIN NDREU.”
