Partia Dekomratike mblodhi sot kuvendin ku dhe miratoi statutin e ri të partisë. Në përfundim të punimeve, Lulzim Basha komentoi në facebook, duke u shprehur se : “Kuvendi ynë Kombëtar është tregues i guximit tonë për të ndryshuar: duke ndryshuar kulturën tonë, ne do të ndryshojmë të gjithë politikën”.
Po kështu, ai shkruan se hapi i radhës është shpërndarja në terren e demokratëve. “Pas miratimit të statutit të ri në këtë Kuvend, ne do të shpërndahemi në çdo qytet dhe fshat të Shqipërisë, për të vazhduar betejën kundër së keqes, betejën pa kthim, deri në largimin e kësaj qeverie. Dhe për të ndarë me njerëzit e thjeshtë një mesazh besimi, që ditët tona më të mira i kemi përpara”.
7500 delegatë nga gjithë Shqipëria morën pjesë sot në Kuvendin Kombëtar në Pallatin e Kongreseve. Në Kuvend u miratuan ndryshimet në statut, ndërkohë mungonin kundërshtarët kryesorë të Lulzim Bashës, si Topalli, Patozi, etj. ndërsa në sallë, prej kritikëve ishin Eduard Selami, Besnik Mustafaj dhe Tomor Alizoti.
/Opinion.al
