Kryetari i Partisë Demokratike gjatë një bashkëbisedimi me gazetarët ka folur në lidhje me refuzimin për hapjen e negociatave me Bashkimin Europian.
Teksa ka fajësuar Ramën për mos hapjen e negociatave, Basha e ka ironizuar në lidhje me pamjen e këtij të fundit, ku shfaqet me mjekër.
Basha tha gjatë fjalës së tij se; “Këta që paraqiten si patriotë të mëdhenj dhe e lënë mjekrën si Ismail Qemali”.
“Dy në 10 familje ushqehen me lista. 70 % e shqiptarëve harxhojnë paratë për bukë, nivele afrikane mjerimi. Pse ndodhin të gjitha këto? Këta që paraqiten si patriotë të mëdhenj dhe e lënë mjekrën si Ismail Qemali. Ne do dalim nga kjo krizë, por është fillimi i fundit të kësaj sëmundje të tmerrshme, që për pak do e shkatërronte vendin. Kjo e ardhme tashmë është në duart tona dhe kërkon që të besojmë se e nesërmja do të jetë dhe mund të jetë ndryshe. Pasi ky vend është i talentuar dhe me vende të jashtëzakonshme. Këtu e vetmja e keqe është kapja e pushteteve”, tha Basha./ Opinion.al E.Xh.
