Kreu i PD-së, Lulzim Basha ka folur sot për një komplot ekonomik në vend dhe ka thënë se gruaja e kryeministrit Rama është suport i fuqishëm i një banke në vend. Sipas tij ABI BANK, ka në përbërjen e tij dy investitorë rusë, të pasurive të patundshme si dhe si suport, gruan e kreut të qeverisë, Linda Rama.
“Ka një bankë të çuditshme në Shqipëri, që quhet ABI BANK. Dy investitorët rusë të kësaj banke i kanë cuar parëtë në parajsat fiskale. Kush është suporti i kësaj banke? Është bashkëshortja e kryeministrit shqiptar. Është edhe një ish ministër federal i Gjermanisë dhe sot ndër lobistët kryesorë të Edi Ramës në Berlin. Këta janë në bordin e një banke të themeluar nga investitorë të pasurive të patundshme në Rusi që paratë e tyre i kanë çuar në parajsat fiskale dhe hetimet Sipas tij “interesat e Republikës së Vjetër nuk i mban dot një zhage, nuk i mban dot vetëm Taulanti në krahë. Këto zhaget e mëdha kanë nevojë për banka. Fermeri thotë ska lekë, i riu thotë ska lekë. Ku janë lekët? Në zhaget dhe bankat e Republikës së Vjetër. Po të jenë të pastër këta të Abi Bank, do hapin gjyq kundër meje. Pse nuk hapin gjyq kundër meje? Komploti ekonomik kundër shqiptarëve dhe fasada e këtij komploti që është teatri politik që është Parlamenti dhe Qeveria janë të tmerruara nga kjo lëvizje popullore dhe nga ajo që ju qytetarët e bashkuar keni vendosur: nuk do ketë më votime moniste, por zgjedhje të lira dhe të ndershme”. Presidenti nga Populli “Dje kishin nxjerrë të gjorin Gramoz për të thënë që nuk e zgjedhim dot Presidentin nga populli se nuk ka kohë dhe nuk ndryshojmë dot kushtetutën. Kohë për të vjedhur kanë, por për të ndryshuar kushtetutën, nuk kanë. Para 10 vitesh Rama kërcënoi se nuk do hynte në zgjedhje nëse nuk ndryshohej kushtetuta dhe ligji që çdo votues të kishte me vete certifikatën e lindjes. U ndryshua kushtetuta, iu dha kjo garanci”, u shpreh Basha.
Skafi në Ishëm
“Kush nuk sheh drogën dhe krimin ose është i papërgjegjshëm, ose i Zhages vjen me paratë e drogës, paratë e korrupsionit, drogës që vazhdon të vërshojë me tonelata drejt Europës dhe ku këta bëjnë vetë shfaqje. Në grykëderdhjen e Ishmit ka tre ditë që ka ngecur në llucë skafi i Habilajve me drogë. E di policia, e di ministri i Brendshëm, sepse Habilajt janë kumbarët e vërtetë të kësaj qeverie. As mediat nuk flasin për këtë. Nuk guxojnë të çojnë kameran, të bëjnë një filmim fshehurazi. Ç’bën ky skaf tre ditë më llucën e Ishmit? Kush e ka? E ka shteti i Edi Ramës”, u shpreh Basha.
Protesta
“Një orë bllokim kombëtar është një sakrificë e vogël. Jemi të vendosur dhe thellësisht paqësorë. Bashkohemi të bllokojmë të keqen që ti hapim rrugë të mirës për çdo shqiptar dhe çdo shqiptare, duke iu kthyer qytetarëve të drejtën për votë të lirë dhe të ndershme. Le të bashkohemi nesër në orën 1112 për ti thënë ndal krimit, ndal drogës, ndal korrupsionit”. /Panorama
