Kreu i opozitës Lulzim Basha u shpreh se që në ditët e para të ardhjes në pushtet do të zhbëjë ligjin për arsimin e lartë. Ai tha se këtë ligj do ta bëjnë njerëzit më të mirë në fushën e arsimit.
Kreu i opoozitës nuk ngurroi as të bënte një paralajmërim për Henri Çilin duke e paralajmëruar se në Republikn e re duhet të përballet me konkurrimin.
“’Që ditën e parë që do të vijmë në pushtet ne do të zhbëjmë ligjin për arsimin e lartë. Ligji i ri do të shkruhet nga kollosët dhe akademikët në vend. Edhe Henri dhe shokët e tij do kënë një vend në Republikën e Re. Jeni privat dhe nëse do keni mundësi konkurroni, nëse jo këtë do merrni (duke ngritur brrylin)’’, u shpreh Basha.
Henri Çili është pozicionuar krah qeverisë dhe kundër PD-së me disa shkrime të botuara në median Mapo.
