Kryetari i Partisdë Demokratike, Lulzim Basha, i është përgjigjur akuzave të ish-kryeministrit Sali Berisha, i cili tha se kryedemokrati do të ndiqet penalisht nga drejtësia e Belgjikës për dosjen “Toyota Yaris”.
Nëpërmjet një postimi në rrjetet sociale, Basha i drejtohet Berishës se ekziston vetëm një dosje dhe se ajo është shpallja “non grata” e tij nga SHBA.
Sipas Bashës, nuk ka gjë më të ulët se të përdorësh demokratët dhe ndjeshmëritë e tyre si mish për top për hallin personal të Berishës.
Reagimi i Bashës
Trillimet e shpifjet nuk e zgjidhin dot hallin e Sali Berishës. Ka vetëm një dosje, ka vetëm një çështje dhe ajo është çështja NON GRATA nga SHBA. Është kjo çështje që e detyron Sali Berishën të bjerë kaq poshtë me shpresën se do ta shndërrojë PD-në në mburojë të interesave personale. Nuk ka gjë më të ulët se të përdorësh demokratët dhe ndjeshmëritë e tyre si mish për top për hallin tënd personal./ Opinion.al
