Kryetari i Partisë Demokratike Lulzim Basha gjatë një daljeje për mediat ka kërkuar nga SPAK nisjen e hetimit lidhur me çështjen e inceneratorëve, për të cilën selia blu ka çuar prej disa ditesh kallëzim kundrejt Kryeministrit Rama, Ministrit Ahmetaj, Kryebashkiakut Veliaj dhe ish-ministrit Koka.
“Përse nuk është thirrur askush?”, ka pyetur Basha SPAK-un.
“Bëni detyrën tuaj, çfarë ju pengon? Bëni transparencë për hetimin! Nëse ka nisur, përse nuk janë thirrur të dyshuarit kryesorë? Çfarë po ndodh në këtë vend, kur i pari i kompanisë mëmë të Eko Tiranës është arrestuar në Itali si kreu i Ndragetës në Verona? Kur kryebashkiku i Veronës është arrestuar. Çfarë ju pengon të hetoni vjedhjen e inceneratorit të Fierit apo të Elbasanit? Kjo ëhstë një kohë të veproni, ndryshe përgjegjësi do të mbani edhe ju”, tha Basha./Opinion.al
