Kreu i PD-së, Lulzim Basha i është përgjigjur deklaratave nga Shkodra të Edi Ramës i cili sulmoi kryebashkiaken Voltana Ademi, se fle gjumë. Me një reagim të tij, Basha thotë se Rama nervozohet sa herë që shkon në Shkodër sepse e bën Volata dhe vetë qyteti që nuk gënjehet më.
Reagimi i Lulzim Bashës:
Voltana Ademi është një zonjë grua që punon dhe përpiqet për Shkodrën edhe pse Edi Rama e ka lënë Shkodrën pa fonde dhe pa mbështetje si hakmarrje politike ndaj saj.
Edi Rama e sulmoi sot Voltanën, për të disatën herë, sepse Voltana e bën nervoz.
E bën nervoz Edi Ramën sepse ajo i kujton që gjysmat e kryetarëve socialistë të bashkive i ka përdhunues, trafikantë dhe kriminelë gjithfarësojesh nga Elvis Rroshi tek Adriatik Zotkaj. Voltana e bën nervoz Edi Ramën sepse ajo i kujton atij se Shkodrës i vuri deputet një hajdut të pangopur si Ilir Beqja.
Edi Ramën e bën nervoz Shkodra, e bën nervoz e gjithë Shqipëria sepse nuk i gënjen dot më me fasadat dhe premtimet mashtruese dhe as nuk i tremb dot më me të fortët.
#NgrihemiBashke #ZgjedhjeTeLira #RepublikaeRe?
