Kreu i PD, Lulzim Basha ka dalë sot në mbështetje të banorëve të Unazës së Madhe. Ai tha se qendrësa e banorëve përmbysi gjysmën e qeverisë, ndërsa gjysmën tjetër do ta përmbyse shumë shpejt.
“Asgjë nuk është më e fuqishme sesa një kauzë e vëretetë e mbështetur nga njerëz të bashkuar . Merita e madhe e këtyre banorëve është se vegla më tinëzare e Edi Ramës, përçarja përmes kërcënimeve, shantazheve e propagandës nuk pi ujë. Nuk ja dolën t’i përçajnë këta banorë. Këta banorë me qëndresën e tyre e çanë në gjysmë qeverinë. Një gjysmë ja kanë hedhur në Lanë dhe gjysmën tjetër do tja hedhin në Lanë shumë shpejt”, tha Basha.
