Kryetari i LSI-së, Petrit Vasili, pak minuta mw parw, i është përgjigjur kreut të PD-së Basha, i cili nga një takim me elektoratin në Krujë, tha se Lëvizja Socialiste për Integrim do të falimentojë më 25 qershor.
Përmes një statusi në rrjetin social “Facebook”, Vasili e fton Bashën në një debat televiziv “për të nxjerrë të vërtetat në shesh”.
“I dashur Luli, nga Kruja, nën dehjen e hashashit, më zure dhe mua në gojë.
Mosmirënjohjen ndaj Berishës dhe Metës ta njoh mirë.
E di mirë edhe që ke hequr dorë nga objektivi yt dhe i PD-së për kryeministër dhe president.
Megjithatë, për të vërtetat e shpk-ve të tua dhe shumë të vërteta të tjera, që unë di nga takime shumë të rëndësishme, meqënëse edhe kandidati tjetër nuk po ta fishkëllen, edhe në respekt të demokratëve të pres të përballemi në tv, shesh a ku të duash.
Ky, Luli, është një shans edhe për ty”, shkruan Vasili.
