Nga çadra e lirisë, kreu i Partisë Demokratike i ka bërë sërish thirrje qytetarëve për tu bashkuar me opozitën në protestat që po të ndodhin ditën e nesërme mes orën 11:00-12:00, në disa nga akset kryesore që lidhin qytetet e vendin.
“Ju i digjnit gomat, thyenit shishe, ushtronit dhunë. Dhuna në protestën tonë nuk ka e nuk ka për të pasur”,- tha ai
Ndër të tjera, Basha i është referuar sërish televizionit Top Channel për lajme të rreme duke i kujtuar ligjin në fjalë ku shprehimisht thuhet se policia nuk jep leje për protesta paqësore, ajo thjesht ka të drejtë të njoftohet dhe të marrë masat për mbarëvajtjen e saj.
“Meqë sot është darke e diel, po ti quajmë injorancë dhe jo shërbim ndaj Edi Ramës”- shprehet Basha.
“Nuk mund të ketë zgjedhje të lira me një polici të bërë zap nga pushteti, krimi e droga. Nesër bashkohemi midis orës 11 dhe 12 të gjithë bashkë, të rinj e të reja, artistë, sportistë, gazetarë do të jenë aty me ne. Demokratë e socialistë do të jenë atje me ne për kauzën kombëtare për zgjedhje të lira e të ndershme, ejani pa frikë, paqësisht por me vendosmëri. Hajdeni për të drejtat tuaja, për mirëqenien dhe një ekonomi më të fortë nesër.”-përfundon kreu i opozitës.
