Kreu i PD-së Lulzim Basha kërkoi të mbështeste protestën e banorëve të Zharrëzës, por grevistët nuk pranuan.
Ata e quajtën opozitën bashkëpunëtore të Bankers Petroleum, pasi sipas tyre kontrata është firmosur në kohën e Berishës.
Basha ka sqaruar se ka shkuar për të kërkuar falje dhe u ka premtuar mbështetje.
“Kam qenë gjatë gjithë kohës në kontakt. Më kanë mbajtur në dijeni, pasi vetë ata më morën në telefon. Kontrata me Bankers nuk nuk është nënshkruar në kohën që qeveriste PD-ja por në kohën e qeverisjes së Nanos. Unë u kërkova falje banorëve që nuk arritëm të mbronim shtëpite dhe jetët e tyre. U premtova që do të marrim masa për t’i mbrojtur. Do t’i mbështesim në kauzën e tyre”, u shpreh Basha për Dritare.net.
Lideri i opozitës tha më tej se qeveria do të përballet me dy protesta, me atë të opozitës para Kryeministrisë dhe me këtë të grevistëve të Zharrëzës para ministrisë së Energjisë dhe Industrisë.
Banorët e Zharrëzës e përzunë Bashën mesditën e sotme pasi nuk duan që proesta të politizohet. Ata mohuan ta kane njoftuar Bashën dhe ti kenë kërkuar mbështetje.
