Kryetari i Partisë Demokratike Lulzim Basha i ka bërë thirrje Kryeministrit Edi Rama që të marrë masa për gjendjen e rënduar në qytetin e Laçit, pas përmbytjeve nga reshjet e shiut një ditë më parë.
Në një status në Facebook, Basha akuzon Qeverinë se nuk ka dhënë asnjë mbështetje financiare për qytetarët e Laçit që janë përmbytur 5 herë brenda një viti.
“Edi Rama, sa rri në televizor e flet për investime imagjinare, të shkojë në Laç e të shikojë impaktin e “investimeve” të tij. Qindra familje janë në ujë e qindra të tjera në rrezik permbytje. Asnjë ndihmë nga qeveria, asnjë mbështetje financiare dhe pse brenda një viti janë përmbytur pesë herë. Përballu me qytetarët që i ke lënë në mëshirë të fatit, mos u fshih pas regjisë qendrore me pseudo takime ku atyre që të thonë të vërtetën u mohon të drejtën e fjalës”, deklaron kryedemokrati Lulzim Basha.
