Gazmend Bardhi ka folur pas takimit me deputetët e Partisë Demokratike, ku ka komentuar përjashtimin e tij nga Partia Demokratike.
Gjatë fjalës së tij, Bardhi i drejtohet Lulzim Bashës, pasi ky i fundit e përjashtoi nga partia, duke thënë se duhen marrë pak me më të qeshur katet joserioze të Lulzim Bashës.
Bardhi thekson se me përjashtimin e tij, Basha do të zhvendosë vëmendjen nga çështja e kullave.
“Ky është komenti im i vetëm, një e qeshur dhe merrini pak më me të qeshur aktet joserioze të kolegut Lulzim Basha. Do të zhvendosë vëmendjen. Nëse ky vendim e ndihmon që dy katet e kullës t’i mbajë në xhep dhe të mos ia shohin njerëzit le të marrë vendime të tilla çdo ditë pa asnjë problem, pa asnjë shqetësim. Dy katet janë aty. Si me nxjerrë vendim, si pa nxjerrë vendim, pa asnjë vlerë ligjore janë aty, letrat janë aty. Shqiptarët tashmë po shohin se kush në fakt ishte në aleancë me kullat”, tha Bardhi.
Bardhi tregon se Basha është “non grata” nga partia e tij.
“Edhe këtu do dalë blof, sepse Basha është përjashtuar nga PD me vullnetin e shumicës dërrmuese të anëtarë. Nuk ka përjashtim më të rëndë për një anëtar të PD-së, për një ish-kandidat për kryeministër, për një ish-kryetar partie sesa të shpallë “non grata” anëtarësia e partisë tënde”, tha Bardhi./Opinion.al
