Lideri demokrat Lulzim Basha deklaroi sot se droga në Vlorë është kapur nga prokuroria e Krimeve të Rënda dhe SHISH. Ai i bëri thirrje Haki Cakos të largohet nga drejtimi i policisë pasi jo vetëm që u përjashtua nga ky superoperacion, por sot kërkon të largojë vemendjen nga droga duke njoftuar shkarkimet e policeve ne Elbasan.
Deklarata e Bashës për mediat
“Dua të falenderoj Prokurorinë e Krimeve të Rënda dhe SHISH të cilët bënë të mundur kapjen e një sasie droge të klanit Habilaj-Tahiri-Rama. Ju bëj thirrje organeve të drejtësisë për administrimin e provave të autorëve pas arrestimit të Moisi Habilajt, për të vënë në hekura anëtarët e këtij klani. Të sekuestrojnë asetet dhe të vënë pas hekurave përgjegjësit duke filluar nga Saimri Tahirin.
48 orë pas publikimit të fakteve tronditëse është e pafalshme çdo vonesë. Pra duhet bërë transparencë maksimale. Së dyti dënoj përpjekjet e Haki Çakos për të terhequr vemendjen nga operacioni në Vlorë i cili u zhvillua nga prokuroria dhe duke izoluar policinë”.
Drejtori i Policisë flet sot për ngjarjen e Elbasanit kur Prokuroria sekuestron 4 ton drogë të Habilajve. Veprimet e Haki Çakos sot janë pavend sepse për ngjarjen e tmerrshme të Elbasanit ai duhet të ishte dorëhequr me kohë. Në mos dorëhequr duhej ta kishte shkarkuar Fatmir Xhafa.
Por për sa kohë Ministria e Brednshme është në konflikt interesi nuk mund ta shkarkojë Çakon.
Vëllai i ministrit Xhafa është kreu i klanit tjetër mafioz në Vlorë i cili kërkohet për ekstradim në Itali për shkak të tre dënimve në Itali”.
/Opinion.al
