Kreu i Patisë Demokratike, Lulzim Basha është zotuar se pas ardhjes në pushtet do të kufizoj postin e kryeministrit, në vetëm dy mandate.
“Sot marr një zotim të veçantë, që është kufizimi i pushtetit dhe mandatit. Kufizimi në vetëm dy mandate të postit të kryeministrit, të kreut të ekzekutivit. Në Parlament apo me referendum, unë do të bëj realitet kufizimin e mandatit të kryeministrit ”, është shprehur Basha.
Gjatë një takimi online me të rinjtë e FRPD-së, Basha në kuadër të “Ditës Kombëtare të Rinisë” është zotuar se ndryshimi sërish do të vjë nga të rinjt ashtu siç edhe ka ndodhur 30 vite më parë.
“Mjafton që të kujtojmë se bashku se çarë ndodhi 30 vite më parë ë këtë vend. Ne sollëm demokracinë, lirinë e shtypit, të shprehjes së lirë, dhe po luftojmë që ta mbrojmë atë. Po luftojmë kundër përpjekjeve të vazhdueshme për ta mbyllur gojën opozitës. Ia dolëm që të ndryshonim ekonominë, nga një ekonomi e centralizuar, duke e bëre të lirë. Bëmë të mundur lëvizjen pa viza të shqiptarëve. E mbani mend dhe se sa e pamundur dukej në fillim! Shumica dërrmuese se besonin se një ditë do të udhëtonim pa viza në Europë. E di se shumë prej jush sot janë të dëshpëruar dhe mesi po prisni ndryshimin. Ky ndryshim, si 30 vite më parë, do të ketë firmën dhe vulën tuaj. Vulën dhe firmën e rinisë shqiptare.”, tha kryedemokrati./Opinion.al
