Kreu i PD, Lulzim Basha ka dhënë lajmin që shumë e prisnin sot, pasi në media u aludua se me protestën e nesërme do të mbyllej edhe çadra e protestës.
“Ky monument qendrese, nesër do të presë bashkimin më të madh të shqiptarëve në histori, e kanë merak kundërshtarët tanë, nuk do mbyllet por do vazhdojë deri në institucionalizimin e plotë të Republikës së Re, deri në fitoren totale, pa kompromis të kauzës së zgjedhjeve të lira dhe të ndershme që do jenë të vetmet zgjedhje që do mbahen në Shqipëri”, tha Basha.
