Në një konferencë për mediat nga selia blu, kreu i Partisë Demokratike, Lulzim Basha bëri të ditur se brenda dhjetorit, do të depozitojë në gjykatë korrupsionin për tenderat e rindërtimit.
Sipas Bashës, është e dokumentuar nga OJF se si janë keqpërdorur fondet.
“Që fondet e tërmetit të vidheshin siç janë vjedhur, Rama ka bërë një sërë manovrash me anë të cilat kanë mundësuar që fondet që duhet të shkonin në drejtim të pasojave të tërmetit të shkojnë në duart e pak njerëzve dhe të përbëjnë një aferë të tmerrshme korruptive. Gjithçka është e dokumentuar nga OJF se si janë keqpërdorur, por GJK ka gjykuar se pala tjetër nuk legjitimojë si palë, prandaj brenda dhjetorit, do të depozitojë në GJK e plotësuar me fakte shtesë sa i takon korrupsionit me tenderat e rindërtimit. Dërgimi në GJK për ligjin e bashkëqeverisjes, krim i dyfishtë”, tha Basha.
