Basha bën thirrje për mosbindje civile

TIRANE-Dekriminalzimi për opozitën është urgjencë kombëtare ndaj dhe mesazhin e radhës nga mbledhja e grupit demokrat kryetari Lulzim Basha e adresoi për krerët e maxhorancës. “Duam miratimin e tij me konsensus duke reflektuar edhe propozimet e PS dhe LSI”, tha Basha. Qeverinë e bëri përgjegjëse për gjendjen e rëndë ekonomike dhe standartin e dyfishtë që sipas tij po përdoret në luftën kundër evazionit fiskal. Zgjedhjet i sheh brenda aulës së Kuvendit por dhe në protestat me qytetarët. “Ora po vjen duhet reagim qytetar. Bashkë me sipërmarrësit po përfundojme paketën tonë të shpëtimit ekonomik. Paketa jonë të sjellë lehtësim dhe frymëmarrje”, tha lideri demokrat. Më tej, Basha përsëriti thirrjen në adresë të Ministrit Tahiri dhe kreut të kuvendit Ilir Meta për t’u dorëhequr pas akuzave të ngritura ndaj tyre.