Kreu i Partisë Demokratike, Lulzim Basha, të hënën, deklaroi se kryeministri Edi Rama ‘sulmon me gjuhë banditi’ ish-kryeministrin Berisha, me shpresën për të tërhequr vëmendjen nga skandalet e radhës. Për kreun e opozitës, bashkëqeverisja e kryeministrit Edi Rama me krimin është fakt.
Përmes një mesazhi të shkurtër në Facebook, Basha thekson se bashkëpunimi me krimin për blerje votash është i provuar.
Sipas tij, Rama nuk ka asnjë shans të mbrojë as veten e as ministriat apo ish-ministrat, deputetët dhe krybashkiakët kriminelë nga përballja me drejtësinë e vërtetë.
“Nuk i ka mbetur gjë tjetër veçse të flasë përçart, duke sulmuar me gjuhë banditi ish kryeministrin, me shpresën e kotë se mund ta zhvendosë sadopak vëmendjen e mund të fitojë pak kohë për të mbyllur skandalin e radhës. Turpi kombëtar ka emrin dhe fytyrën e tij!”,-shkruan Basha.
