Pas akuzave të bëra mbrëmjen e së enjtes në emisionin “Opinion” kreu i demokratëve Lulzim Basha ka ashpërsuar tonet edhe sot në Parlament, teksa ka folur për lidhjet e qeverisë Rama me krimin.
Basha është shprehur se Rama është ndihmuar nga disa kryebashkiakë për vjedhjen e zgjedhjeve e që disa prej këtyre njerëzve të rëndësishëm duhet të arrestohen, që shqiptarët të gjejnë paqe.
Sipas Bashës, Qazim Sejdini e Vangjush Dako duhen arrestuar, ashtu sikurse edhe vëllai i Fatmir Xhafës, ndërkohë që ka kërkuar shkarkimin e Gramoz Ruçit .
Fjala e Bashes sot ne kuvend
Kjo është zgjidhja e vetme. Ti ke mundësi ta ndalosh këtë, ta kam thënë që në seancën e parë.
Por ti nuk ke vullnet ta bësh. E ke në komunikime zyrtare si lidhje të krimit të organizuar. Shkarko Fatmir Xhafën dhe arresto të vëllain e tij, të kërkuar nga Interpol për drogë.
Qeshni, qeshni se e tregon fytyra juaj se sa ju bëhet vonë për Shqipërinë.
Është Agron Xhafa i kërkuar nga Interpol? Është i dënuar nga Gjykata Supreme italiane për trafik kokaine? Po apo jo? Shqiptarët e dinë. Ju qeshni se nuk ju bën përshtypje. Ju jetoni me këtë realitet të nbdyrë dhe për ju ky është realiteti. Realiteti malinj. Keni krijuar një realitet malinj dhe krekoseni si gjeli në majë të plehut. Shkarkoje Fatmir Xhafën, arrestoje vëllain e Fatmir Xhafës, arrestoji Qazim Sejdinin dhe Vangjush Dakon se ke prova, i ke aty, kapicë.
Bëj publike listën e Interpol-it edhe ata që nuk i fut ti në sistem si Durim Keçin deri para një jave. E fute vetëm kur u nise për tek Gentilloni. Gjysma e atyre që kërkon Interpoli që i ke në Shqipëri po të arrestohen, Shqipëria bie në paqe.
Problemi është se Shqipëria bie në paqe, por ti bie nga karrikja ngë rastin më të mirë.
