Pas heqjes nga ndihma ekonomike e disa familjeve shqiptare, kryetari i Partisë Demokratike, Lulzim Basha ka dalë në një deklaratë për shtyp, menjëherë pas mbledhjes së grupit parlamentar të PD-së. Ai e ka cilësuar përjashtimin e këtyre familjeve si kriminal.
“Mijëra familje shqiptare janë hequr nga ndihma ekonomike. Përjashtimi është kriminal” – u shpreh Basha.
Ai u ndal edhe te pjesa e emigracionit ku u shpreh:
“ Jemi vendi i vetëm në Europë që ka çuar drejt emigracionit me vullnetin e Rames kryeminister mijëra shqiptarë. Rama po përdor metoda naziste, spastrimi ndaj shqiptarëve. Një prej tyre është heqja nga skema e ndihmës ekonomike.U bëj thirrje mediave ta vendosin këtë “Holokaust” në qendër të vëmendjes së tyre. Ministrja është në kushtet për t’u çuar për ndjekje penale, sepse ka shpërdoruar detyrën, sepse nuk na ka dhënë informacion brenda dy javëve për skemën dhe kriteret e ndihmës.” – u shpreh kreu i PD.
Ai gjithashtu shtoi se Partia Demokratike do të kërkojë mocion me debat për skenarin e Ramës të cilin ai e quan nazist.
