Kryetari i Partisë Demokratike Lulzim Basha deklaroi në Konferencën Ballkanike që organizon LDGSH në bashkëpunim me Forumin e Gruas së PPE, se gjendja në Shqipëri është shumë e rëndë. Nw fjalwn e tij nuk munguan as akuzat pwr qeverinw Rama. Ai akuzoi edhe kryeprokuroren Arta Marku se po tenton tw lirojw Emiljano Shullazin.
“Shërbëtorja e Ramës dje me një të rënë të lapsit la pa prokurorë çështjen e Tahirit dhe Shullazit. Sot prokuroria po mbron Saimir Tahirin, Xhafajn, po bëhet gati lirimi i Shullazit. U lirua Ermal Hoxha,sepse nuk nxori emrin e Olsi Ramës. Krimi ka marrë dhenë, sepse ka bekimin e Ramës dhe Xhafës.”, tha ai.
Basha ritheksoi edhe njëherë se shqiptarët kryesojnë listën për përdorim kokaine.
“290 mijë shqiptarë, nuk arrijnë të sigurojnë bukën e gojës, mungesën e mjeteve financiare për të blerë libra është problem tjetër i shtuar. Nënat i përcjellin në shkollë fëmijët me frikë. Shqiptarët kryesojnë vendet e botës për përdorim kokaine, pasi 2.5 për qind e popullsisë e konsumojnë. Mund të na akuzoni se kemi folur para kohe, por s’mund të na akuzoni, sepse kemi qëlluar në shenjë”,shtoi ai.
Mes të tjerash Basha pwrmendi edhe ligjin që u votua dje nga Maxhoranca, duke i hapur kështu rrugë shembjes së Teatrit Kombëtar.
Ai tha se Kuvendi i dha zë pastrimit të parave të drogës.
“Dje Kuvendi kaloi me ligj vjedhjen e pronës publike, dhe vendosi pro një kompanie. Parlamenti ka një preokupim, të pastrojë paratë e drogës dhe krimit. Kuvendi i Shqipërisë ka ndërmarr vetëm dy hapa; bixhozit i uli taksat dhe legjitimoi me ligj pastrimin e parave të pista”, tha Basha.
