Kreu i Partisë Demokratike, Lulzim Basha këtë të hënë ka folur për deklaratat e tij të fundit ndaj Presidentit Meta dhe trekëndëshin e Bremudës që sipas tij është Berisha, Rama, Meta.
Basha ka folur ashpër dhe ka thënë se demokratët ia njohin bëmat dhe gjëmat, Ilir Metës. Më tej ai iu ka kërkuar ndjesë demokratëve që se ka dëgjuar më mirë dhe më qartë zërin e tyre.
“E para e punës, as unë dhe as demokratët nuk kemi asnjë borxh Ilir Metës dhe nuk ia zgjidhim dot hallet Ilir Metës. Demokratët ia njohin bëmat dhe gjëmat. E vetmja gjë që unë kam për shtuar, përveç asaj që kam thënë përpara, është që t’ju kërkoj një ndjesë të thellë, edhe si kryetar, por edhe në emër të strukturave drejtuese, që se kemi dëgjuar më mirë dhe më qartë zërin e tyre. Nuk kam asgjë tjetër për ti shtuar kësaj çështje, besoj se është shteruese dhe nuk kam ndërmend ti jap askujt vëmendjen që nuk meriton, secilit i kam dhënë atë që meriton”, tha Basha./Opinion.al
