Kryesore

Basha: 3 anëtarët socialistë të komisionit hetimor janë të përfshirë në aferë



Bëhu pjesë e Grupit Zyrtar të Opinion.al
>> KËTU <<
               Publikuar në : 13:17 - 20/02/22 |
Opi Nion

Kreu i Partisë Demokratike, Lulzim Basha në një konferencë për mediat ka folur për aferën e inceneratorëve. Ai ka dalë para gazetarëve bashkë me kryetaren e Komisionit Hetimor për Inceneratorët, Jorida Tabakun dhe dy anëtarë të tjerë.

Basha tha se anëtarët socialist të komisionit për inceneratorët janë në konflikt interesi pasi janë të përfshirë në etapa të aferave të inceneratorëve.

Kreu i PD nuk i ka deklaruar emrat e tyre por ai u shpreh se në mbledhjet ve Komisionit ata shpesh përpiqen të pengojnë punën e komisionit apo bëjnë rolin e zhurmuesit.

E vërteta është se shqiptarëve u janë vjedhur 430 milionë euro dhe këta janë detyruar të firmosin kundër ligjit. Që të mos tregojnë faktet, kolegët socialistë në komision kanë marrë përsipër të pengojnë ardhjen e atyre në komisionin hetimor, dhe kur vjen ndokush, të bëjnë zhurmuesin. Tre nga anëtarët socialistë të komisionit janë në konflikt interesi, pra janë të përfshirë vetë në etapa të ndryshme të aferës së inceneratorëve. Të gjitha kanë dalë me fakte sot. Deri vitin e kaluar, ishin denoncimet tona, tani komisioni hetimor, që e penguan, e çuan në arrest kardiak dhe pastaj u detyruan ta rifillojnë, për shkak të qëndresës sonë, nxori fakte. Këta sillen sikur nuk ka ndodhur asgjë. Ju thonë shqiptarëve se është përgjegjësi personale. “Nëse dikush ka ngjyer gishtin pas shpinës sime, le të mbajë përgjegjësi”, thoshte Rama nga SHBA. Po si ndodhka kjo, pasi aktet kanë ndodhur para syve të tij, jo pas shpine”,-tha Basha./Opinion.al

Pas