Baseli i Taulant Xhakës ka arritur të fitojë Kupën e Zvicrës ndaj Thun-it duke e mundur me rezultatin 2-1.
Pas duelit të humbur kundër Young Boys për titullin e kampionatit, ky ka qenë një ngushëllim për skuadrën e cila ka siguruar gjithashtu edhe vendin për fazën kualifikuese të Champions League.
Protagonist në këtë finale ka qenë edhe sulmuesi i Zvicrës me origjinë Shqiptare, Albian Ajeti i cili shënoi golin e parë, ndërsa sulmuesi tjetër i Kosovës Edon Zhegrova, i huazuar nga Genk te Basel, ishte në stol por nuk u aktivizua.
Kjo është hera e 12 që Basel fiton Kupën e Zvicrës, ndërsa numëron edhe 20 tituj kampion, duke u konfirmuar në këtë mënyrë si një prej skuadrave më të suksesshme në Zvicër./Opinion.al
