Shfaqja e Ilir Metës, Arben Ahmetajt, Koço Kokëdhimës në inaugurimin e resortit të baronit të drogës, Kelmend Balili nuk mbeti pa u përmendur dhe komentuar. Sot portali “360 gradë” i Artur Zhejit shkruan se Koço Kokëdhima e la pataten e nxehtë në portën politike të LSI.
“Në të vërtetë lidhjet e tij me Balilët, si Komisar Fuqiplotë i Ramës në Jugun e Shqipërisë, ku gjeografikisht përfshihet edhe Saranda, edhe Delvina, janë ende të panjohura, për nga thellësia e tyre”, thuhet më tej.
Por jo vetëm Koço, edhe Taulant Balla mbrëmë në Opinion mohoi lidhjet e PS me Balilët e drogës.
“Koalicioni pësoi kështu një krisje të re. Ndërsa LSI, pëson kështu sulmin e rradhës nga aleatët e vet”, shkruan portali i Zhejit.
