Aktualitet

Barna falas për Covid, Manastirliu: Kanë përfituar mbi 3 mijë qytetarë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:45 - 06/02/21 |
el ida

Ministrja e Shëndetësisë dhe Mbrojtjes Sociale Ogerta Manastirliu duke folur për situatën e pandemisë, bëri me dije se nga paketa e rimbursimit 100% për barnat në shërbimin ambulator për pacientët COVID, kanë përfituar mbi 3 mijë qytetarë.

“Nga paketa e rimbursimin antiCOVID për pacientët me simptoma të lehta dhe të moderuara, kanë përfituar më shumë se 3 mijë qytetarë, të cilët janë mbështetur direkt nga mjeku i familjes, duke i përshkruar barnat e rimbursueshme falas për ta dhe duke marrë trajtimin e duhur mjekësor”, tha Manastirliu.

Ndër të tjera ministrja pohoi se në të gjithë Shqipërinë janë kryer më shumë se 80 mijë teste të shpejta në 54 pika testimi.

“Në Tiranë kemi hapur, përveç 6 qendrave të pikave të testimit në komunitet, edhe 4 qendra të tjera këtë javë. Në 54 pikat e testimit në të gjithë Shqipërinë janë kryer më shumë së 80 mijë teste të shpejta”, tha Manastirliu.

Këto deklarata u bënë gjatë inspektimit që Manastriliu dhe kryetari i Bashkisë Erion Veliaj, patën sot në  Qendrën e re Shëndetësore Lanabregas në periferi të Tiranës, një investim i qeverisë shqiptare në kuadër të programit kombëtar të rehabilitimit të 300 qendrave shëndetësore.

“Është një qendër shëndetësore e cila do t’i ofrojë kujdes shëndetësor rreth 5 mijë banorëve të Lanabregasit dhe jemi me të vërtetë të kënaqur që e bëmë realitet një premtim që ju kishim dhënë. Kemi filluar tashmë jo vetëm me programin e rehabilitimit të 300 qendrave shëndetësore, ku vetëm qarku i Tiranës ka përfituar nga ky program 52 qendra shëndetësore dhe pika ambulance të rehabilituara, por edhe përshtatjen e ofrimit të shërbimit sipas zhvillimeve demografike që kanë ndodhur në kryeqytet”, tha ministrja./Opinion.al

 

 

Pas