Ka pare tmerr me sy në Vrisaki të Imathias në Greqi një çoban shqiptar. Ai ka gjetur në një lëndinë pas një varreze, të futur në një shkurre një çantë brenda se ciles ndodheshin dy kavanoza me fetus brenda. Sipas mediave greke çobani shqiptar ka qenë në një gjendje të rënduar psikologjike dhe është shprehur i penduar që ka hapur çantën pasi është përballur me një skenë të tmerrshme. “Do doja të mos e kisha hapur kurrë çantën. Kam parë tmerr”, ka thënë ai.
I frikësuar bariu menjëherë ka njoftuar policinë, e cila ka marrë zbulimet makabre duke i çuar për ekspertizë në Selanik. Paraprakisht mendohet se embrionet ishin në javën e 18të apo të 20 të. Ajo qe mbetet e paqarte deri tani eshte dinamika dhe autoret e ngjarjes. Sipas mediave greke, kavanozat përmbanin një lëng që po i nënshtrohet ekspertizës në Departamentin e Sigurisë Alexandria./ Panorama.al
