Guardia di Finanza e Barit në bashkëpunim me Drejtorinë Anti-Mafia të Pulias në Itali kanë shkatërruar një organizatë kriminale të trafikut të lëndëve narkotike dhe armëve.
Organizata përbëhej nga grupe shqiptarësh dhe italianësh të cilët në bashkëpunim kryenin trafikun e drogës, nga Shqipëria, në Itali dhe më pas për në Europë.
Nga hetimi që ka nisur nga viti 2017, janë lëshuar 20 urdhër-arreste ku gjykata ka vendosur të lërë në burg 10 persona, 5 në arrest shtëpiak, 5 të tjerë detyrim paraqitje.
Nga operacioni i koduar ‘Det’ u sekuestrua një sasi marjuane me vlerë 2 milion euro dhe kjo i shtohet 6 pronave dhe 26 llogarive bankare me vlerë 1 milionë euro që ishin sekuestruar më parë.
Prokurori i Barit, Giuseppe Volpe tha se shqiptarët ishin krerët e këtij rrjeti trafiku dhe se lidhjet e tyre me grupet kriminale në Bari janë forcuar.
Në krye të këtij grupi është identifikuar dhe arrestuar Kristo Janku i cili sipas mediave fqinje ka 4 identitete si Ilirian Gjonxha, Harrilla Helmi, ‘daja’. Nga hetimet u zbulua se ai thirrej me nofkën ‘daja’. /Opinion.al
