Sekretari i Përgjithshëm i Partisë Demokratike Gazmend Bardhi tha se zyrtarisht nuk ka një kërkesë për thirrje të kuvendit të partisë Demokratike. Nisur nga fakti që formularët janë dorëzuar në zyrën e Edi Palokës, Bardhi tha: “Nuk di që zoti Paloka të jetë shef i zyrës së protokollit në PD”.
I pyetur nga gazetari Blendi Fevziu nëse këta formularë duhet të verifikohen, Bardhi tha: T’i sjellin! Më tej ai pohoi se nëse formularët dorëzohen në sekretariat koha e verifikimit të tyre do të jetë normale, 2-3 ditë.
Lidhur me procesin mbi të cilin bëhet mbledhja e kuvendit, Bardhi tha: “E para shihet nëse kuorumi për thirrjen e kuvendit me ¼ e firmave dhe procedura e dytë është që sekretariati i partisë pajis çdo anëtar me mandat dhe verfirikimi është, që në sallën ku mblidhet kuvendi futet çdo anëtar që ka këtë kartë”./Opinion.al
