Deputeti Gazment Bardhi në mbledhjen e grupit të PD-së ka deklaruar se duhet të propozohen kriteret dhe procedurat për zgjedhjen e presidentit të ri. Ai po ashtu ka theksuar se deputetët nuk duhet të kompleksohen për shkak se grupi i Berishës i sulmon.
“Të propozojmë kriteret dhe procedurat. Ne duhet të vazhdojmë me opozitën. Dhe mos të kompleksohemi se një grup i Berishës na sulmon. Ne nuk iu përgjigjemi me të njëjtën gjuhë për të ruajtur PD. Ne jemi ruajtur mos ta përçajmë PD. Na sulmojnë sot që mos të marrim pjesë te presidenti. Ata që deri dje thonin përse bojkotoni. Pra kuptohet kush ka qenë pas bojkotit deri dje. Presidentin e zgjedh parlamenti. Dhe vendos grupi parlamentar. Jozefina, Rudina dhe Murrizi, që i kishim përballë një vit më parë do të na diktojnë ne si grup parlamentar ca vendimi do të marrim. Ata që deri dje sulmonin PD”, tha Bardhi.
