Votimi Avokatit të Popullit dhe anëtarit të ri të Gjykatës Kushtetuese sollën përplasje të fortë mes kryeministrit Edi Rama dhe deputetit të PD, Gazment Bardhi.
Deputeti demokrat akuzoi Ramën se ka angazhuar oligartkët që të kërcënojnë deputetët e opozitës për votimin e kandidaturës që mbështetet nga socialistët për “Kushtetuesen”.
Kjo ka bërë që të shkaktoj një reagim të ashpër të kryeministrit Rama, i cili e ka etiketuar Bardhin si palaço dhe zagar në parlament.
Pavarësisht se demokrati u fye nga Rama, nënkryetarja e parlamentit vendosi që të përjashtoi nga seanca Bardhin.
Pas këtij vendimi, deputetët demokratë i kërkojnë Kuvendit që të marrë masë disiplinore edhe për kreun e qeverisë lidhur me gjuhën e përdorur në seancë./ Opinion.al
