Gazment Bardhi, Sekretari i Përgjithshëm i Partisë Demokratike dhe njëherazi drejtuesi politik i qarkut të Elbasanit, shprehet se forca politike që ai përfaqëson nuk bën premtime, por merr angazhime për të rritur mirëqenien e qytetarëve.
Përmes një postimi në rrjetet sociale, Bardhi shkruan se me ardhjen PD në qeverisje, paratë nuk do të shkojnë vetëm për 10 persona, por do të shkojnë për të gjithë qytetarët që kanë nevojë.
Sipas tij, shqiptarët janë lodhur nga mashtrimet e qeverisë “Rama” dhe tashmë kërkojnë ndyshim.
Postimi
Ka ardhur koha për t’u ndarë nga politika që premton dhe harron. Që premton dhe u kthen kurrizin njerëzve, e kujtohet për ta vetëm kur vijnë zgjedhjet. PD vjen para qytetarëve me program, me zgjidhje, me plan konkret për hallet e tyre. Jam i kënaqur pa masë që diferencat mes nesh janë të qarta kudo. Ne angazhohemi për punët dhe shërbimet që do ofrojmë. Do kem kurajon të jap llogari cdo ditë para qytetarëve për fjalën që them sot. Asnjë mrekulli nuk premtojmë, po vemendje, përkushtim dhe se buxheti e paratë e shqiptarëve s’do të shkojnë më për 10 miq të qeverisë, po për bujqësinë, për arsimin, për familjet shqiptare. Kudo në Qarkun e Elbasanit, njerëzit mezi presin të firmosin ndryshimin. Janë shumë të lodhur nga mashtrimet, nga arroganca, nga lojërat e pehlivanëve që kanë ardhur këtu, kanë marrë pushtet e kanë menduar vetëm për veten e tyre. Elbasani fiton. Shqiperia fiton./ Opinion.al
