Partia Demokratike i është përgjigjur kryeministrit Edi Rama, i cila tha që procesi i zgjedhjes së kandidatëve në PD, ishte sa për sy e faqe.
Përmes një postimi në rrjetet sociale, Sekretari i Përgjithshëm i PD, Gazmend Bardhi deklaron se “kryeministri u lodh kot deri te plehrat pasi burgun e kishte më afër për të zgjedhur kandidatët e PS”.
Gjithashtu, Bardhi akuzoi qeverinë se në 8 vite pushtet nuk i ofroi asgjë shqiptarëve, asnjë ide, asnjë premtim të mbajtur, asnjë zhvillim.
Postimi i plotë i Gazment Bardhit
Një orë fjalim sot tek fusha e plehrave, përsëriti të njëjtat gënjeshtra për PD, Lulzim Bashën, procesin e përzgjedhjes së kandidatëve për deputetë nga PD dhe për Opozitën e Bashkuar.
Mjafton të dëgjosh Edi Ramën për të kuptuar se në 8 vite pushtet si Kryeministër nuk i ofroi asgjë shqiptarëve, asnjë ide, asnjë premtim i mbajtur, asnjë zhvillim.
Nuk ka asnjë bilanc në qeverisje, përveç projekteve që në 2 mandate mbeten vetëm në 3D, ndërkohë që nuk ka më propagandë që fsheh krimin dhe korrupsionin e Qeverisë së Dështimit. Vetëm me fjalë, tallje, fyerje dhe mashtrime nuk zgjidhen dot hallet e shtuara të qytetarëve shqiptarë.
U lodh kot deri tek plehrat, duke fyer dhe keqpërdorur socialistët e ndershëm, për gjoja përzgjedhjen 3D të kandidatëve për deputetë. E kishte më afër burgun, për të bërë atë që ka 8 vite që bën, përzgjedhjen e kandidatëve me krimin e organizuar./ Opinion.al
