Sekretari i Përgjithshëm i Partisë Demokratike Gazmend Bardhi i është përgjigjur deklaratave të kryeministrit Edi Rama lidhur me grevën e naftëtarëve në Ballsh.
Bardhi thekson se kryeministri Edi Rama duhet të mbajë premtimet e dhëna, t’iu japë pagat naftëtarëve dhe të hapë rafinerinë.
“Sa herë flet, Edi Rama mashtron. Vetë u premtoi naftëtarëve se do të hapë rafinerinë, vetë u premtoi se do të paguhej paga e tyre.
Premtimet e tij me zë dhe me figurë tregojnë një kryeministër të papërgjegjshëm, të pandjeshëm, të paaftë. Halli i naftëtarëve dhe i çdo shqiptari zgjidhet duke larguar këtë kryeministër mashtrues dhe hajdut”, shkruan Bardhi.
Më herët Rama kërkoi nga naftëtaret të ndërpresin grevën, në mënyrë që ai të takohej me to./Opinion.al
