Mes debateve po zhvillohet mbledhja Këshillit të Mandateve lidhur me kërkesën e SPAK drejtura Kuvendit për marrjen e autorizimit për arrestimin e ish-zëvendëskryeministrit Arben Ahmetaj.
Gjatë mbledhjes, deputeti i PD, Gazment Bardhi i është drejtuar me disa pyetje avokatëve të Ahmetajt.
Ndër të tjera, Bardhi ka pyetur avokatët për raportet që Ahmetaj ka patur me Mirel Mërtirin dhe Klodian Zoton si dhe nëse në udhëtimet me këta të fundit përveç Ahmetaj ndodhej dhe Damian Gjiknuri.
“Nëse klienti juaj do ishte prezent, do bashkëpunonte dhe përballej me drejtësinë, mund të kishim qenë mirëkuptues për me shumë kohë për mbrojtje. Por klienti juaj ka ikur jashtë vendit ditën që është kërkuar arrestimi. Kritikuat prokurorinë pse e ka shtrirë hetimin duke nisur që në vitin 2004. Ky lloj hetimi i pasurisë së zyrtarëve duhet të bëhet për të gjithë politikanëve. Akuzat nuk kanë natyrë politike, por për korrupsion dhe abuzim me pushtetin. Pse jeni ju kunder kontrollit të pasurisë dhe shtrirjes se hetimit që nga 2004? Keni ju prova për ligjshmërinë e kësaj pasurie? Pse ka genjyer Ahmetaj për raportin me Mirel Mërtirin dhe Klodian Zoton? A rezulton që në udhëtime njëlloj si Ahmetaj me këta dy persona, ka qene edhe Damian Gjiknuri? A e konfirmoni ju këtë?”-është shprehur Bardhi./Opinion.al
