Kreu i grupit parlamentar të Partisë Demokratike, Gazmend Bardhi ka dhënë një deklaratë për mediat në përfundim të mbledhjes së Këshillit të Mandateve, ku po shqyrtohej kërkesa e SPAK për arrestimin e ish-ministrit, Arben Ahmetaj, dhe kontrollit të banesës së tij.
Bardhi akuzoi maxhorancën se po ndihmon Ahmetajn për t’u fshehur nga drejtësia.
“Mbledhja filloi me një kërkesë të opozitës që të ishte e hapur, është e vërtetë që ishte sugjerim i SPAK që të zhvillohej me dyer të mbyllura për të ruajtur sekretin hetimor. Duhej të ishte Këshilli që të vendoste, por në mënyrë arbitrare maxhoranca mori vendimin. Diskutimet nga SPAK, asnjë informacion shtesë veç asaj që është publikuar në media. Për t’i dhënë kohë Ahmetajt, sikundër u konfirmua nga avokatët që ai ishte jashtë vendit. Ata dinin që nuk është arratisur, por ndërkohë nuk dinin se ku kishte ikur dhe ku ndodhej. Kjo është ndihmë që maxhoranca po i jep Ahmetajt për t’u fshehur nga drejtësia”, tha ai.
