Deputeti i PD-së, Gazment Bardhi ka deklaruar se Garda duhet të ndërhyjë në sallën e Kuvendit vetëm kur ka rrezik për cënim fizik të deputetëve.
Pasi fjalës së deputeti demokrat, kryeparlamentarja Nikolla ka folur në mbrojtje të Gardës, duke thënë që nuk duhet ndërhyrë në punën e tyre.
Pas reagimit të Nikollës ka nisur një debat me Bardhin, i cili është shprehur se për gardën ka respekt por jo për për ju që e shkelni Rregulloren.
Debati:
“Kërkesa ime ju drejtohet ju se jeni aty për të garantuar zbatimin e ligjit dhe Rregullores. Anëtarët e Gardës ndërhyjnë në sallë me urdhër tuajin kur cënohet integriteti fizik i deputetëve.
Shoë që ju bëni çdo seancë është e shëmtuar. Këtu nuk ka asnjë rrezik për konflikt fizik. Ç’jemi ne, regjim autoritar?” ka thënë Bardhi.
Nikolla: Mos ndërhyni në detyrat e Gardës. Respekt për ta!
Bardhi: Respekt total për ta dhe mungesë respekti për ju që e shkelni Rregulloren se bën sikur e lexon edhe se lexove kurrë deri në fund.
Nikolla: Shyqyr të kam ty që më mëson
Bardhi: Po shkon në pension dhe se ke mësuar akoma. Rregullorja thotë duhet të hyjnë në sallë vetëm kur ka rrezik cënimi integriteti fizik për deputetët.
Nikolla: Sepse ju nuk flisni nga vendi por nga foltorja.
Bardhi: Nuk ka asnjë rregull për të folur në vend po foltore. Duhet të kthesh rregullin. Nuk mund ti japim perceptimin qytetarëve se këtu po ndodh një konflikt i madh fizik sa duhet ndërhyrja e Gardës. Ndryshe vendos një gardh edhe ndaj pozitën nga opozita. Nuk ka ndërmend njeri të prekë njeri me dorë./ Opinion.al
