Gazment Bardhi ka zhvilluar ditën e sotme një takim me simpatizantët e partisë demokratike në Devoll.
Përmes një postimi në rrjete sociale, Bardhi u shpreh se qytetarët janë ata që vuajnë pasojat e keqqeverissjes së kryeministrit Edi Rama.
Ai thotë se bujqësia si sektori kryesorë i jetesës së banorëve të kësaj bashkie, nuk ka marrë asnjë mbështetje.
Mes të tjerash thekson se fondet e programeve të mbështetjes nga Bashkimi Europian, që duhet të shkonin për fermerët e Devollit dhe gjithë Shqipërisë, kanë shkuar në xhepat e pushtetarëve.
“Qytetarët janë ata që me shumë se kushdo vuajnë pasojat e keqqeverissjes së Edi Ramës. Bujqësia është sektori kryesorë i jetesës së banorëve të Bashkisë Devoll. Ka zero mbështetje! Zero kujdesje për mundin dhe sakrificën e fermerëve.
Fondet e programeve të mbështetjes nga Bashkimi Europian, që duhet të shkonin për fermerët e Devollit dhe gjithë Shqipërisë, kanë shkuar në xhepat e pushtetarëve dhe personave të lidhur me to. Nga Devolli i bëra thirrje organeve të drejtësisë që të veprojë pa vonesa dhe të mbajë përgjegjës këdo që ka abuzuar me fondet e bujqësisë.
20 Shkurti është dita e reagimit të çdo fermeri dhe çdo qytetari që dëshiron të jetojë e punojë në Shqipëri. Të bëhemi bashkë të Marten, ora 17:30, përpara Kryeministrisë”, shkruan Bardhi./Opinion.al
