Pas njoftimit për media, nga PD-ja zyrtare, se Gazment Bardhi është zgjedhur nga një grup deputetësh, kryetar i Grupit Parlamentar të Partisë Demokratike, pas dorëheqjes së Enkelejd Alibeaj, ka ardhur edhe përgjigjja e ish-kryeministrit Berisha.
I pyetur nga gazetarët në konferencën e përjavshme per mediat, Berisha tha se nuk do të njihet asnjë strukturë paralele me PD-në.
“Ne nuk mund të njohim asnjë lloj strukture paralele të PD-së. I ftojmë të gjithë deputetët të ulen, të diskutojmë. Jemi të hapur ndaj tyre. Por fakte të kryera nga askush nuk njohim ne. Ka rregulla, ka statute”, u shpreh Berisha.
