Kreu i Grupit të PD-së, Gazment Bardhi ka replikuar me ministren Elisa Spiropali, pasi kjo e fundit e thumboi duke i thënë “mos je djali i adoptuar i babit të Zenit”.
Gazment Bardhi iu drejtua duke i thënë që “e kuptoj që zotrote do të doje të ishe vajza e babait të Surrelit por për fat të keq nuk je, je shumë larg madje, janë ca të tjera para teje”.
Ndërsa i drejtoi pyetje duke i kërkuar të përgjigjet nëse është motra e Olsi Ramës, apo kunata e Pëllumb Gjokës apo vajza e Mirel Mërtirit e Klodian Zotos.
“Pikërisht sepse ne jo thjeshtë mendojmë, por dhe veprojmë si europianë, nuk bëjmë teatër dhe nuk e luftojmë korrupsionin me pushkë uji. Meqenëse se më pyete kush jam, jam Gazmend Bardhi, djali i Durimit dhe Vjollcës, e di që do doje të ishe vajza e babait të Surrelit por nuk je. Po të pyes mos je gjë motra e Olsit, e Arbën Nokës, e Bajrave të Shkollës, kunata e Pëllumb Gjokës, apo vajza e Mirel Mërtirit dhe Pëllumvb Gjokës. Gjeje përgjigjen se kush je se unë e di përgjigjen për të gjitha këto”-tha Bardhi.
