Sikurse edhe në seancat e kaluara duket se edhe këtë të hënë puna në Kuvend nuk do të vijojë normalisht.
Përplasjet kanë nisur që në momentin kur deputetët e opozitës po hynin në sallën ku zhvillohen seancat plenare. Ata kanë kundërshtuar kontrollet nga Garda e Republikës.
Ndërkaq lidhur me këtë situatë ka reaguar me tone të ashpra deputeti Gazment Bardhi.
Pasi arriti të hynte në Kuvend, ai iu drejtua kreut të grupit parlamentar të PS, Blendi Çuçi, duke e akuzuar për gjendjen ku ndodhet Kuvendi.
“20 gardistë me hyrë në sallë të parlamentit, 20 gardistë! Ça jeni ju mo? Kush jeni ju mo, që ndaloni deputetin me hyrë në sallë të parlamentit? Ça ju duket vetja ju? Ça ke që shikon ashtu ti? S’të vjen turp mo! Shife çfarë keni bo, shko ere legen! Shko ere, s’ju vjen zor s’ju vjen! Mbaje gojën!”, dëgjohet të thotë mes të tjerash Bardhi./Opinion.al
