Konferenca e Kryetarëve, e para mbledhje pas zgjedhjeve parlamentare të 11 Majit, është shoqëruar me debate që nga nisja.
Kreu i grupit parlamentar të PD, Gazment Bardhi ka debatuar me kryeparlamentares Elisa Spiropali dhe ministrin Taulant Balla.
Në fjalën e tij, Bardhi ka ngritur akuza ndaj socialistëve, ndërkohë nga ana tjetër Spiropali është shprehur se të drejtën për të vepruar në konferencë e kuvend, ja jep rregullorja.
Bardhi: Kush e cakton se çfarë bëhet në Konferencën e Kryetarëve dhe në Kuvend? Partnerët tuaj Suel Çela apo Troplinët e Durrësit? Zonjë, duhet të sqarosh ato çfarë unë ngre këtu. Nuk lejoj të flasë ushtari i Suel Çelës.
Dhe ti zonjë mos m’u sill sikur ke ardhur nga Suedia, por keni ardhur nga strofulla e Xhabaftëve. U kërcënuan fëmijët e kolegëve të tu dhe ti si Kryetare e Kuvendit shkove e more në mbrojtje Xhabaftët.
Elisa Spiropali: Të drejtën për të vepruar kështu ma jep rregullorja.
Pas këtij debati, kryeparlamentarja Spiropali i dha fjalën Taulant Ballës, por ky i fundit nuk u lejua nga demokratët që të flasë.
Për këtë arsye, mbledhja e Konferencës së Kryetarëve u mbyll.
