Kreu i grupit parlamentar të PD-së, Gazment Bardhi i është përgjigjur Enkelejd Alibeaj, i cili tha se qëndrimi i Bardhit në lidhje me tensionet në mbledhjen e Kryesisë ishte emocional.
Bardhi tha se ai mbajti një qëndrim parimor, jo emocional ndërsa theksoi se dënon dhunën verbale ndaj deputetëve e gazetarëve.
“Të dhunosh verablisht, të shantazhosh apo të fyesh deputetët të kuvendit, anëtarë të PD, të kryesisë se kanë mendim ndryshe, është një sjellje prej grupimi paramilitar, jo sjelle një parti demokratike. S’ka qenë emocional, edhe pse qëndrimet emocionale kur janë të vërteta s’ka asgjë të keqe. Qëndrimi im ka qenë parimor, kam dënuar dhunën verbale për shkak të një qëndrimi ndryshe, kur është kryer nga zoti Berisha, do dënoj dhunën verbale, shantazhet, dhunën ndaj gazetarëve edhe kur vijën nga anëtarë të PD apo jo anëtarë, të cilët deri në këtë moment kanë menduar njësoj si unë. Unë nuk asistoj veprime të ndryshëm për faktin se ata ndodhen një palë brenda PD”, tha Bardhi.
