Sekretari i Përgjithashëm i Partisë Demokratike, Gazment Bardhi ka reaguar në lidhje me situatën krijuar nga koronavirusi në vend.
Teksa publikon një pjesë së intervistës së kryeministrit Edi Rama, Bardhi thekson se Qeveria duhet të lërë propagandën dhe të ndihmojë popullin.
Bardhi e akuzon kryeministrin se paratë e buxhetit të shtetit i ka ndarë me “miqtë e tij, në tendera dhe koncesione korruptive”.
Reagimi
Nëse mbyllesh në Surrel nuk ke sesi ta kuptosh që njerëzit janë pa bukë dhe pa asnjë ndihmë nga shteti, prandaj vetëm e mallkon dhe e fyen popullin tënd. Edi Rama duhet të bëjë detyrën dhe të lërë fjalët boshe, teatrin dhe propagandën.
Braktisja e familjeve në nevojë, të sëmurëve apo qytetarëve pa mjetet e nevojshme të jetesës, në këtë kohë krize, është kriminale. Sot qytetarët e pamundur kanë nevojë më shumë se kurrë të ndjejnë solidaritetin dhe mbështetjen e shtetit.
Buxheti ka para mjaftueshëm për të përballuar krizën, por Shqipëria është në prag të katastrofës ekonomike, sepse lekët e shqiptarëve Rama i ka për t’i ndarë me miqtë e tij, në tendera dhe koncesione korruptive./ Opinion.al
