Ish-presidenti i Barcelona-s Jordi Mestre është shprehur ditën e shtunë se rinovimi i sulmuesit argjentinas Lionel Messi, kontrata e të cilit me klubin katalanas skadon më 30 qershor të vitit 2018, është në rrugë të mbarë dhe se kanë mbetur vetëm disa detaje. “Brenda disa ditësh shpresojmë që çdo gjë të jetë zgjidhur,” shprehet menaxheri i anës sportive të klubit për TV3 pas fitores së bukur të Barça-s ndaj Villarreal me rezultatin 4:1
Mestre gjithashtu ka folur edhe për çështjen e trajnerit. Ai ka zbuluar se Barça ka vendosur se si do të jetë profili i trajnerit të ri të ekipit të parë që do të zëvendësojë sezonin e ardhshëm teknikun aktual Luis Enrique Martinez. Gjithsesi, ai ka shtuar se fjala e fundit do të jetë e presidentit Josep Maria Bartomeu dhe se klubi nuk do ta publikojë emrin e trajnerit të ri deri në fund të sezonit.
