Pierpaolo Marino, ish-drejtues i Napoli, në mikrofonin e “Rai Sport” ka zbuluar motivin për shkak të të cilit, legjenda e skuadrës napoletane, argjentinasi Diego Armando Maradona u largua nga skuadra e Barcelonës në vitin 1984, për të nisur aventurën e tij në Seria A, në këmbët e Vesuvios. Me skuadrën e Napolit, Maradona arriti të fitojë një sërë titujsh duke u shndërruar në legjendën e përjetshme të ekipit napoletan.
“Maradona erdhi te Napoli sepse u grind me Gaspart te Barcelona. Në fakt, ai bëri rolin e sindikalistit, sepse mori në mbrojtje Schuster, që në atë kohë ishte shok i tij i skuadrës. Një qëndrim të cilin Maradona e pagoi shtrenjtë, të paktën në pamje të parë. Klubi katalanas e nxorri menjëherë te porta për ta larguar argjentinasin”, zbuloi prapaskenat e transferimit të Maradonës te Napoli, ish-drejtuesi i ekipit napoletan, Marino.
