Barcelona fitoi minimalisbht ndaj Dinamos së Kievit, por ajo që gëzon tifozët blaugrana janë tri pikët e para në Ligën e Kampioneve. Ndeshjen e vendosi Zherard Pike me një gol në minutën e 36 të lojës.
Kjo është rrjeta e parë në kompeticionin më të rëndësishëm të kontinentit për blaugranat në këtë sezon. Suksesi fut Barçën në lojë për kualifikimin.
Skuadra e drejtuar nga trajneri Ronald Kuman nuk bindi me lojë, por më e rëndësishme është fitorja. Vendasit u treguan të rrezikshëm me topat e gjatë. Ekipi ukrainas pas tri takimeve mban vendin e fundit me vetëm 1 pikë të grumbulluar.
Në sfidën tjetër në Grupin G, Salzburgu mundi Volsburgun me rezultatin 3-1.
Skuadra austriake kryeson me 7 pikë pas tri ndeshjesh të luajtura, ndërsa gjermanët pësuan humbjen e parë pas dy barazimeve.
Salzburgu gjeti golin që në minutën e tretë falë Adejemit, ndërsa pas 12 minuash barazoi Nmeka. Por në pjesën e dytë, Okafor realizoi dygolësh dhe i dha suksesin vendasve.
